那些年我们唱的童谣还记得吗？
一首简单郎朗上口既童谣，
陪伴左无数广州人既童年时光，
果D我哋可能已经记唔清既歌词，
每次听翻都好有回忆同味道~
唔知道你哋记得几多呢~~
《月光光》《落雨大》《鸡公仔》几首，
呢D咁可爱既童谣大部分已经慢慢被淹没
呢D童谣係学校度唔会教授，
只有靠我哋一代一代咁流传落去~落去~
最近越秀区文联花左近一年时间
对呢D童谣进行左整理！
等我哋一起回忆一下，
即时以后都要将呢D童谣传递落去~
月光光照地堂
月光光，照地堂，
虾仔你乖乖瞓落床，
听朝阿妈要赶插秧咯，
阿爷睇牛佢上山冈。
虾仔你快高长大，
帮手阿爷去睇牛羊。
月光光，照地堂，
虾仔你乖乖瞓落床，
听朝阿爸要捕鱼虾！
阿嫲织网要织到天光。
虾仔你快高长大，
划艇撒网就更在行。
月光光，照地堂，
年卅晚，摘槟榔，
五谷丰登堆满仓，
老老嫩嫩喜洋洋啊，
虾仔你快啲眯埋眼，
一觉瞓到大天光啊。
月光光照地堂
月光光，照地堂，
年卅晚，摘槟榔，
槟榔香，摘子姜，
子姜辣，买菩达，
菩达苦，买猪肚，
猪肚肥，买牛皮，
牛皮薄，买菱角，
菱角尖，买马鞭，
马鞭长，起屋梁，
屋梁高，买张刀，
刀切菜，买箩盖，
箩盖圆，买只船，
船浸底，
浸亲两个番*仔！
一个浮头（一个摸慈姑），
一个沉底（一个摸马蹄）。
排排坐，食粉果
排排坐，食粉果，
猪拉柴，狗烧火，
猫儿担凳姑婆坐，
坐烂个屎窟唔好赖我，
赖翻隔篱个二叔婆。
氹氹转，菊花园
氹氹转，菊花园，
炒米饼，糯米圆。
阿妈带我睇龙船。
我唔睇，睇鸡仔。
鸡仔大，捉去卖。
卖得几多钱？
卖得三百六十五个仙。
落雨大，水浸街
落雨大，水浸街，
阿哥担柴上街卖，
阿嫂出街着花鞋。
花鞋花袜花腰带，
珍珠蝴蝶两边排。
排排都有十二粒，
粒粒圆亮冇疵瑕。
大笨象，揸支枪
大笨象，
揸支枪（臭松香），
去打仗（揸支竹仔去打仗）。
打完仗，
返嚟食碗辣椒酱，
隔篱屋企烧炮仗，
问你响唔响，
唔响升你两巴掌。
肥佬肥揗揗
肥佬肥揗揗，
买舊猪肉去拜神，
行到半路屎窟痕，
返到屋企瓜老衬。
又喊又笑
又喊又笑，
乌蝇打醮，
蠄蟧濑尿，
老鼠行桥，
行到西门口，
畀人打啰柚。
卖羊卖咩
卖羊卖咩，
卖到老鼠担遮。
狗仔忙住去拉蛇，
蛇摆尾，似风车，
风车氹氹转，
番*扒龙船。
扒得快，好世界，
扒得摩，无鼻哥。
拍大髀，唱山歌
拍大髀，唱山歌。
人人都欺我冇老婆，
嘀起个心肝娶几个。
有钱娶个娇娇女，
无钱娶个痘皮婆。
痘皮婆，
食饭食得多，
屙屎屙几箩，
屙尿冲大海啰，
屙屁打铜锣。
河边有只羊
河边有只羊，
羊边有只象，
象边有只马骝仔，
好似你咁样。
嗳姑乖，嗳姑大
嗳姑乖，嗳姑大，
嗳大个姑仔嫁后街。
后街有鲜鱼鲜肉卖，
又有红皮屐仔绣花鞋。
又有鲜花戴，
戴又戴唔晒，
丢落床头畀老鼠拉。
一拉拉到大新街。
大人执到笑眯眯，
细路执到当银牌。
点虫虫
点虫虫,
虫虫飞。
飞到荔枝基。
荔枝熟，
摘满屋，
屋满红，
伴住个细蚊公。
落雨溦溦
落雨溦溦，
水浸田基。
田基有条蛇，
吓亲大老爷。
大老爷揸支枪，
吓亲个缠脚娘。
萝卜头
萝卜头，点豉油，
点得多，咸过头，
点得少，淡茂茂。
猪婆婆
猪婆婆，
卖菠萝，
卖畀地主做老婆。
地主唔要佢，
一脚将佢踢落河。
执翻上嚟晕酡酡。
伏匿匿
一就预备，
二就匿埋，
三就开盘，
四就嚟到，
砰到算数。
打开蚊帐
打开蚊帐，
打开蚊帐，
有只蚊，
有只蚊，
快啲攞把扇嚟，
快啲攞把扇嚟，
泼走佢，
泼走佢。
打开蚊帐，
打开蚊帐，
有只猫，
有只猫，
快啲攞支竹嚟，
快啲攞支竹嚟，
吓走佢，
吓走佢。
点指兵兵
点指兵兵，
点着谁人做大兵，
点指贼贼，
点着谁人做大贼。
麻鹰飞
折纸机，
麻鹰飞，
飘嚟飘去唔落地，
麻鹰有条尾。
煮饭仔仔
煮饭仔仔先落米，
风炉透火柴对齐，
千祈唔好咁拿西，
我哋唔系细蚊仔。
鞥咕咕，淋慈姑
鞥咕咕，
担水淋慈姑，
淋得慈姑瓜咁大，
人人都话阿姑乖。
五更鼓
初更鼓，响叮当，
叮叮叮咚叮叮当。
入绣房。
绣房有只乜嘢叫?
有只蚊公叫。
蚊公点样叫?
嗡嗡嗡嗡嗡嗡叫。
二更鼓，响叮当，
叮叮叮咚叮叮当。
入绣房。
绣房有只乜嘢叫?
有只老鼠叫。
老鼠点样叫?
吱吱吱吱吱吱叫。
三更鼓，响叮当，
叮叮叮咚叮叮当。
入绣房。
绣房有只乜嘢叫?
有只猫仔叫。
猫仔点样叫?
喵喵喵喵喵喵叫。
四更鼓，响叮当，
叮叮叮咚叮叮当。
入绣房。
绣房有只乜嘢叫?
有只狗仔叫。
狗仔点样叫?
汪汪汪汪汪汪叫。
五更鼓，响叮当，
叮叮叮咚叮叮当。
入绣房。
绣房有只乜嘢叫?
有只鸡公叫。
鸡公点样叫?
喔喔喔喔喔喔叫。
三更灯火五更鸡
三更灯火五更鸡，
正是男儿用功时。
少年不知勤学早，
老来方恨读书迟。
姑丈担凳
姑丈担凳孩儿坐，
孩儿坐落就劏鸡。
鸡会劏门前喔喔啼，
不如劏只鸭；
鸭又嫌鸭毛多，
不如劏只鹅；
鹅又嫌鹅颈长，
不如劏只羊；
羊又嫌羊脚叉，
不如劏只马；
马会送君出埗头，
不如劏只牛；
牛会耕田养人口，
不如劏只狗；
狗会东西方有人嚟都知，
不如劏只大猫儿；
猫儿又会捉老鼠，
不如劏只大肥猪；
肥猪会食主人三斗禄，
主人食佢三舊肥猪肉。
初一人拜神
初一人拜神，
初二人拜人，
初三是赤口，
初四人乞米，
初五初六正是年，
初七游花地，
初八八不归，
初九九头空，
初十打春去。
十一打仔回，
十二搭灯棚，
十三人开灯，
十四灯火明，
十五祈完灯，
采青走百病。
卖懒
(一)
卖懒，卖懒，
卖到年卅晚，
人懒我唔懒。
(二)
卖懒，卖懒，卖到年卅晚；
卖穷，卖穷，卖畀猪婆龙；
卖衰，卖衰，卖畀大头龟。
我有几文鸡
我有几文鸡，
过年买只鸡。
只鸡好好食，
夹畀阿妈食。
阿妈话我乖，
带我行花街。
丑丑丑
丑丑丑，丑丑丑，
丑甩耳仔餸烧酒。
肥婆跳舞顶第一
一二三，三二一，
肥婆跳舞顶第一。
广州生活